जीवन देवान

जीवन देवान "गाउँले" जीका केस्राहरु

      

      सायाङ "

खोलापारिकी सान्नानी

हत्ते हाल्छे जानीजानी

सायाङ साईनो जोडी 

सुम्पिन्छु भन्छे जवानी 

वैशको मात् हो सान्नानी 

तँ  संगको जिन्दगानी /
           02-01-012

        [ शब्दार्थ,सायाङ =मलायु भाषा /नेपाली अर्थ = प्रेमी/प्रेमिका/ प्यारो ]

      [प्रारम्भिक उत्तरार्द्ध चरणमा लेखिएको केस्रा]

   
      "आग्रह"

बन्द गर बात

बित्न लाग्यो रात

मुख भन्दा बढि

चलाऊ अब हात 

मिले पछि बात 

किन हेर्छौ जात / 

         14-12-011         

           [प्रारम्भिक चरणमा लेखिएको केस्रा]

  "त्याग"

म असल पति

ठान्दछे श्रीमती

सिरीखुरी सुम्पी 

माया दिन्छे अति 

सहि हुँदा पति 

जान्छु भन्छे सती / 

       13-12-011    

          [प्रारम्भिक चरणमा लेखिएको केस्रा]

 "पागलपन"

सुनसान रातमा

मोबाइल हातमा

हुन्छ कुरो प्रेमकै

हर बातबातमा

उठ्छु आधा रातमा

र रुन्छु त्यै मातमा /

       19-11-011

         [प्रारम्भिक चरणमा लेखिएको केस्रा]

 "मेरो व्यक्तित्व"

शरीर ढाकें कोटले
इज्जत ढाकें नोटले

निष्ठुरी मन छोएन
सितिमितिको चोटले

झल्कायो सान कोटले
मुर्ख बनायो खोटले /

       04-11-011       

            [प्रारम्भिक चरणमा लेखिएको केस्रा]

              धनकुटा,हाल- मलेसिया