डम्बर तुम्बापो "बुद्ध" जीका केस्राहरु
"आग्रह"
दिलमाया ! यता आउन
एकैछिन बसी जाउन
तिम्रो त नि दिल नै ठुलो
मसंग नै माया लाउन
सधै सधै यहाँ आउन
पिरतीको गीत गाउन /
०५-०२-०१२
[प्रारम्भिक उत्तरार्द्ध चरणमा लेखिएको केस्रा ]
"मन-२"
सिधा आयौ मन माग्यौ
लिएर मन अन्त लाग्यौ
पर्खेर बसें तिम्रो बाटो
सुन्छु अर्कै बाटो भाग्यौ
आखिर मन किन माग्यौ
घृणा भरि तिमि जाग्यौ /
०६-०१-०१२
[प्रारम्भिक उत्तरार्द्ध चरणमा लेखिएको केस्रा ]
"माया"
केस्रा केस्रामा तिम्रो मायाँ पलायो
तिम्रो मायाँले मन मुटु जलायो
यो मायाँ त पत्थर नहुँदो रैछ
तिम्रो मायाँले मेरो दिलै गलायो
आखिरमा यो कस्तो मायाँ पलायो
मायाँको रीत अघि कल्ले चलायो ?
१८-१२-011
[ प्रारम्भिक चरणमा लेखिएको केस्रा ]
[ प्रारम्भिक चरणमा लेखिएको केस्रा ]
"मन-१"
मन किन आज यति रसायौ
बेखबर कता माया बसायौ
कोमल थियो मन त्यतिबेला
असंख्य सियो एकैसाथ धसायौ
खाली यो मनमा माया रसायौ
खुशीको बदला आँशु खसायौ /
१४-११-०११
[ प्रारम्भिक चरणमा लेखिएको केस्रा ]
-धरमपुर,झापा हाल- मलेसिया
No comments:
Post a Comment