केहि केस्राहरु - १०
"बेअर्थ"
इशाराकै तालमा
झिल्के फँस्यो जालमा
सोह्रसत्र गुमायो
बेहोसीकै चालमा
पछुतो बेतालमा
बुढ्यौलीका सालमा।
०१-१०-२०१२
इशाराकै तालमा
झिल्के फँस्यो जालमा
सोह्रसत्र गुमायो
बेहोसीकै चालमा
पछुतो बेतालमा
बुढ्यौलीका सालमा।
०१-१०-२०१२
- भक्ति प्रसाद पौड्याल मोरंग
********************************
********************************
“कर्म”
कर्म नै खोटो
ज्यान छ मोटो
सकिन किन्न
नानीको भोटो
भएछु खोटो
खादैछु रोटो।
३०-०८-२०१२
- मणि राई "गोठाले" सुनसरी,हाल- मलेसिया
**************************************************
“गुनासो”
अझै नि मेरो उस्तैछ हाल
छोडेर गयौ बिग्रियो चाल
माया को मुना चुढाई लग्यौ
बनाई छोड्यौ आशु को ताल
मर्नु न बाच्नु उस्तैछ हाल
पर्ख्या छु अझै आएन काल।
३१-०८-२०१२
- दर्शन योङ्हाङ् लिम्बु झापा
****************************************
"पुनरागमन" पराई भूमि छाडी आएँ
धोका हण्डर कति खाएँ
विवशताले टाढीएको
उही पुरानै गाउँ पाएँ
आमा तिम्रै काखमा आएँ
लौ मिलनको गीत गाएँ।
१४-१०-२०१२
- पराजित राम ,काभ्रे पलान्चोक ,हाल- कतार
********************************************
“ठूली”
रूपवती ठूली
फूल जस्तै फूली
जवानी देखाई
मन भित्रै डुली
यो मनमा ठूली
जून जस्तै खुली।
३१-०८-२०१२
- इक्शाहाङ् चेम्जोंग , झापा