- See more at: http://kesramanch.blogspot.com/2013/07/Facebook-LikeBox-JQuery-Popup-with-Timer.html#sthash.SXaf43j1.dpuf

विषय सूची

@ साहित्याकाशका लागि प्रतिपादित " केस्रा" विधाको प्रवर्तक:- मौलश्री लिम्बू , प्रवक्तात्रय:- दिलिप 'सगर' राई,जीवन देवान 'गाउँले' र कृष मगर एवम् केस्रा लेखन मञ्च हार्दिक स्वागत गर्दछ।

Friday 14 December 2012

केहि केस्राहरु- १२

डम्बर तुम्बापो,राज कंडेल र तेज राई जीका केस्राहरु

 
-डम्बर तुम्बापो 'बुद्ध"
झापा,हाल-मलेसिया
 
“आकर्षण”

वाह..! रुप छ रंग छ,क्या छ डाल
आहा..! हिडाईमा झन क्या छ चाल

उडाउछ फुर् फुर् हावाको झोंकामा
मयूरपंखी सुन्दर त्यो कपाल

हाई..! कति लचकिलो छ त्यो डाल
सृष्टिकर्ता..! गर्यौ नि यो क्या कमाल।
                                            २१-०८-२०१२


“बर्बादी”

आज फेरि हावा चल्यो
सानो आगो हुर्रै बल्यो

बाँकि थियो झिनोतिनो
सिरीखुरी जम्मै जल्यो

यस्तो कस्तो हावा चल्यो
जीर्ण एउटा घरै ढल्यो।
                             २२-०५-२०१२
 
**********************************
- राज कंडेल 'निराश'
गुल्मी,हाल-कतार
"बेईमानी”

घात गर्यौ बेईमानी
जानेर या नजानी

रोई रहें यादमा ,
भिज्यो मेरो सिरानी

संसारै छ बेईमानी
रहे छु म अज्ञानी।
                            ०६-११-२०१२

 

*****************************************

"पराक्रम"

आफ्नै घरको छानो बालेर
मानवीय स्तम्भ नै ढालेर

नदेखाउ भयो पराक्रम
आमा माथि संगिन फालेर

जनतामा आक्रोश बालेर
खाल्डोमा सबैलाई हालेर।
                                       १०-०९-२०१२

- तेज राई
खोटांग,हाल-यु.ए.ई.

"अरबे"

आफ्नो मूल्य आफै लाएर
सात समुन्द्र नै धाएर

बालुवामा भेडा गोठाला
छाकमा खबुस खाएर


ज्यानको याँ बाजी लाएर
टिप्छ पैसा अरब आएर।
                                     ०८-०९-२०१२