नाना रोदुङ्

     नाना रोदुङ् जीका केस्राहरु 

- नाना रोदुङ्
खोटांग,हाल:- इजराल 

    "नेता" 

ठाउँमा नपुगिन्जेल म्याउ गर्छ
ठाउँमा पुगेपछि माथि सर्छ

देशमा विकाश चाहियो भन्दा
जनता माथि सिधै आँखा तर्छ

यस्ता नेताले के विकास गर्छ
राजश्व बटुलेर खल्ति भर्छ।
०४-०१-२०१४

   "घमण्ड" 

जसले मान सम्मान घटाउछ
अवनतिको विचार रटाउछ

घमण्डीले आफू सर्वेसर्वा ठान्छ
त्यसैले राम्रो नतिजा कटाउछ

आत्मियता र मित्रता घटाउछ
यस्ले प्रेम -सदभाव हटाउछ। 

१८-१२-२०१३

 “आवरणीयता”

बाहिरी सुन्दरताको कुरा गर्छौ 

त्यसैमा मोहित हुँदै आँखा तर्छौ

भन त्यहाँ के नै छ र ! त्यस्तो खास 

क्षणिक उन्मादको जालमा पर्छौ

भौतिक आकृतिको बयान गर्छौ 

आवरणीयताको नजिक सर्छौ ।
१४-११-२०१३