देशु सुब्बा “जिज्ञासु”

        देशु सुब्बा “जिज्ञासु” जीका केस्राहरु 

   "निस्ठुरी"

- देशु सुब्बा “जिज्ञासु”
पाँचथर,हाल- साउदी अरब  

तिमीले बनायौ मलाई भावुक
आफ्नै दिलको धड्कन ढुक-ढुक

संगालेर राखेको चोखो मायामा
लत्यायौ अब छर्केर नुनचुक

अतितले बनाई राख्छ भावुक
राख्नेछु यादहरुको तमसुक ।
३१-०१-२०१४

   "फसाद"



अनयासै बिच्यायौ प्रेमको जाल
दुई मुटु नै जोड्ने जाली-रुमाल

कस्तो सम्बन्ध रच्यौ नि यतिखेर,
लोभिएँ देखेर नाटकिय ताल

पत्याएँ तिम्रो अब मोहनी जाल
हुने छैना मेरो बेवारिसे हाल ।
२१-०१-२०१४

    "समर्पण"

जिन्दगीभर नै तिम्रै लागि दास
भएँ पनि हुँला आफैं उठिबास

जब तिमी मरेतुल्य बनि ठान्छौ
यौटा प्राण भर्ने बनौला बतास

चिन्ता छैन आफुलाई बन्नु दास
झरी-बादल सहौंला बाह्रैमास।
०६-०१-२०१४

  "आह्वान"

आउ तिमी अब आउ यहाँ
सहयोगको खाँचो छ जहाँ

'एकता नै त बल हो' बिर्सि
जाँदै छौ है बाटो भुलि कहाँ ?

समस्याको हल हुन्छ यहाँ
जगाउनु छ है ईच्छा वहाँ ।
२०-१२-२०१३

   "याद"

मनभरी नै यादहरुको रास
बोकिरहेछु म अझ तिम्रै खास

हर रातको प्रहरहरु सितै,
खै किन हो बोकेर उड्छ बतास

मनोपटाङ्गिनीमा थुप्रीन्छ रास
उज्यालो मिर्मिरे सितै हुन्छ नाश।