देशु सुब्बा

        देशु सुब्बा जीका केस्राहरु 

"नशा"

- देशु सुब्बा
पाँचथर,हाल- साउदी अरब 

नशाको काम रहेछ मात
दुर्वसनीलाई लाग्ने भात

युवा जमात झुम्मिन्छ्न् यहाँ
अम्मलकारी बीचको हात

लाग्दैछ रे जम्मैलाई मात
कुलत बाटोमा जम्नु घात।
०९-०७-२०१३

"आव्हान"



मनको मझेरीमा आउ
प्रीत नि बसाएर जाउ



मीठा प्रीतका कुरासंगै,
मनको गाँठो भै फुकाउ

फर्केर तिमी यहाँ आउ
म संगै साईनो लगाउ।
०५-०७-२०१३

“चण्डाल” 

कर्मचारी पो सत्तामा जुटे
राष्ट्रको ढुकुटी लुट्न लुटे

अनर्थ भयो लौ हेर आज
जनताका आशा शिशा झै टुटे

आ-आफ्नै स्वार्थ पुर्तिमा जुटे
हेर त लौ भाइ-भाइमा फुटे।
०३-०७-२०१३

"सपना"

सधैं आउने गर्छिन्  उनि रातमा
खै कुन्नि के चाहिं परिन् जातमा

सुन्दर स्वप्निल बस्तु भएर
भेटाउंछु सपना कै खातमा

लुटुपुटु खेल्छिन् संगै रातमा
नाच्दै बजाउंछिन् चुरी हातमा।
२९-०६-२०१३

"सम्बन्ध'

दिलको दिवार तोडि
म तिरै पाईला मोडि

मसक्क मस्किदै उनी
सामु आईन् घुम्टो ओडि

सारा जंजिर नै तोडि
मेरी बनिन् साईनो जोडी।
२७-०६-२०१३