चतुरमान राई

                  चतुरमान राई जीका केस्राहरु 

- चतुरमान राई
ओखलढुंगा ,हाल- मलेसिया 

    "शंका " 

नपिउँदाको मातहरु
नबिताएका रातहरु

ठान्छन दोषी किन त्यसै
नसमाएका हातहरु

जवानीका ति मातहरु
शंकालु हुने बातहरु।
२३-०५-२०१४

         "दलीत"



न्यायको ठेली किताबमा लेखिन्छ
निर्धालाई सधै घाँटीमा रेटिन्छ

बाँडेर नि सपनाको अधिकार
दलितको पीडा आँसुले छेकिन्छ

जन्मदै सानो ठुलो जात लेखिन्छ
ठुलोले सधै सानोलाई हेपिन्छ।
१०-०५-२०१४

   "प्रवास" 

नसोध मेरो हाल
गधाको झैँ छ चाल

परेली माछापुच्छ्रे
आसुँ भो फेवा ताल

प्रवासको यो हाल
कदमैपिच्छे  काल।
१०-०४-२०१४

     "दुनियाँ "

खुशीमा साथ मिल्छ यहाँ
दु;खमा एक्लै परिन्छ जहाँ

आफन्त नै टाढीएर जान्छन्
असहायहरु देखी कहाँ

दुनियाँ स्वार्थी छ है यहाँ
भगवान साँक्षी छन् वहाँ।
०८-०४-२०१४