नाना रोदुङ्

       नाना रोदुङ् जीका केस्राहरु 

   “महशुस”

- नाना रोदुङ्
खोटांग,हाल:- इजराल 

गाँउ शहर अनि देश दुख्यो
आत्मग्लानिले योमन रुंयो

मान्छे हुनुमा निरर्थक भो
स्वाभिमानसंग नाता टुट्यो

इतिहाँस दुख्यो झुपडी दुख्यो
यी सबै नै दुख्दा शिर झुक्यो।
२१-०९-२०१४

 “आगमन”



हवा सातुङ्ग को गित गाउँछ
तन,मन उतै तिर पो धाउँछ

हो त्यो कुनै बारले छेक्न सक्दैन
ढोका खुली सक्यो उ अब आउँछ

मनले दृढताको गित गाउँछ
खुसीको किरणले पक्कै छाउँछ।

  “अनुरोध”

ए सोईङ्गेको गोठाला दाई
न एकोहोर्याउ त्यो भेडालाई

बाटो खोलिदिउँ चरोस् आफै
कति छेक्छौ भ्याई नभ्याई

त्यो लुकुनी तिम्रो होईन दाई
हस्ताक्षर गर मन लगाई ।

  “कर्तुत”

वारि पारि भंगालो थुन्दै
निर्दोश ति माछाहरु उँन्दै

ए महाशय ! कत्ति बस्छौ
माकुराले झैँ जाल बुन्दै

विकाशको मुहान थुन्दै
षड्यन्त्रको खाडल खुन्दै।

"अठोट"

डग्मगाउँदा तिम्रो विश्वास
उठ्यो मनमा प्रश्नको रास

अठोट गरें म बारूद बन्न
गर्नेछु अब  मैले तिम्रो नास

तोडेर गयौ मेरो विश्वास
अब सम्बन्ध रहेन खास।