उमा वत्स र दिलिप सगर

उमा वत्स र दिलिप राई सगर जीका केस्रा दोहोरी
~~~****~~~~***

"प्रीति"

मन्दिर धाएँ
तिम्लाई पाएँ

आधार खोज्दै
यो गीत गाएँ

तिमीमै धाएँ
पिरती लाएँ ।
        - उमा वत्स
***
"थाहा"

मन्दिरमा धाउँदा
मेरो छेउ आउँदा

थाहा पाएको मैले
सुलेलीमा गाउँदा

मतिर नै धाउँदा
ती नैन लजाउँदा ।
            - सगर
***
    "यात्रा"

नजाउ कतै छोडेर
बसुँ दिल जोडेर

सबै बन्धनहरु
मिलाउँ कि तोडेर

हिड्ने बाटो छोडेर
नजाउँ यात्रा मोडेर ।
          - उमा वत्स
***
"चाहना"

सङ्गै बस्ने चाहना
हाँस्ने खेल्ने कामना

सबै बन्धन तोडी
यो मायाको सम्झना

जुटाउँ कि चाहना
दुई दिलको सपना।
            - सगर
***
  "भर"

धेरै माया गर्छु
तिम्रै भर पर्छु

तिम्रो साथ पाए
जँघार त्यो तर्छु

धोका दियौ भने
म त ज्युँदै मर्छु ।
           - उमा वत्स
***
"बाचा"

मायाको सट्टा माया
दिम्ला वरको छाँया

धोका हुँदैन कैले
मबाट दायाँबायाँ

दिम्ला पवित्र माया
मरी गए नी काया ।
              - सगर
***
"साटो"

देउ विस्वासको बाटो
छोएर भुईको माटो

तिमी नै हौ प्यारा मेरो
जिन्दगीको अर्को पाटो

लागौं अनि आफ्नै बाटो
ब्यर्थै याँ बस्नुको साटो ।
                  - उमा वत्स
***
"राजी"

मिलुं भनी हामी दुई
छुनेछु माटोको भुईं

पूरा जिन्दगी सुम्पेर
बन्छु कपासको रुई

मैना जोडी हामी दुई
घाउमा मलम सुई ।
                - सगर
***
"जीत"

मन जितेउ मेरो
र त भयौं सप्ठेरो

तिमी नै हो अब त
यी सारा सेरोफेरो

रमायो मन मेरो
भेट्न आउ पंधेरो ।
            - उमा वत्स
***
"खुशी"

भएँ म त कति खुशी
सुनेर कुरा जासुशी

दिउला माया तिम्लाई
भरेर पाथीमा झुसि

कम चै नहोस् यो खुशी
ए मेरी प्रेमिका लुशी !
                   - सगर

(* लुशी= विश्व प्रशिध्द पात्रा )