डा. विजय लिङ्देन

      डा. विजय लिङ्देन जीका केस्राहरु

      "माङ्तोक"

सहिद हुँ म के मलाई चिन्छौ ?
झगडा गरि किन दु:ख दिन्छौ

छातीमा गोलि थापेको होईन
अबिर माला केका लागि किन्छौ

यो राज्यको दुश्मन तिमी चिन्छौ
लिम्बुवानको सुख किन लिन्छौ।
* माङ्तोक= लिम्बुवान आन्दोलनका सहिद।
***    ***    ***

         "ईच्छा"

रातभर जून टहटह लाग्यो
आज मेरो निन्द्रा कतातिर भाग्यो

तिमीलाई मैले सम्झी रहेकोछु
मनले मेरो मायालुलाई माग्यो

आजभोलि धेरै बाँचु बाँचु लाग्यो
जीवनमा एक हुने ईच्छा जाग्यो।
***    ***    ***

       "नेपाली"

हरियो वन नेपालको धन
उजाड भए त्यो हरियो वन

धेरै विदेश जान वाध्य भए
हाम्रो धन विदेश जाने जन

पौरखी हात नेपालको धन
प्रगतिशील बनाउ है मन।
***    ***    ***

     "आकर्षण"

तिम्रो त्यो स्वप्निल रंग
देखेर म भएँ दंग

कति सुन्दर छौ तिमी
एकाग्रता भयो भंग

तिमीमा ईन्द्रेणी रंग
छायो है नयाँ उमंग।
***    ***    ***

        "बिन्ती"

सम्पत्ति र शक्ति हो हाम्रो खोला
नबेच कति हाम्रो मन रोला

तिमी केसंग सम्झौता गर्ने हो ?
सोच भोलि अति नराम्रो होला

रोक रगत र आँसुको खोला
नबोकौ दान र भिखको झोला।
***    ***    ***

         "भोलि"

तिमी प्रधानमन्त्री बन्दैछौ ओलि
किन अराजक तुक्का तिम्रो बोली

राजनेता बन्ने कोसिस गर है !
नखेल जनताको खुनको होलि

यो सायद,अन्तिम मौका हो ओलि
कसैले व्यर्थै नसरापुन भोलि।
***    ****    ***

        "खबरदार"

बिस्तारवाद नीति भारत देश
सिक्किमीकरण खेल भइ चेस

नेपाल भ्रमण चाल थियो तिम्रो
खडा गर्यौ गृहयुद्ध परिवेश

यो हो स्वाभिमानी नेपालीको देश
नभड्काउ हाम्रो तराई मधेस ।
***     ****    ***

      "बहत्तर साल"

वर्षको सुरुवात जमिन घुम्यो
आशा धरहराले जमिन चुम्यो

बहुमत संविधान जारी गरे
विरोधसंगै सबै सद्भाव गुम्यो

फलस्वरूप नाकाबन्दीले घुम्यो
मधेस,आदिवासीको हक धुम्यो।
***    ***    ***

           "माया"

एक्लै छु नभन है म तिम्रै हुँ नि
सधैं तिमीलाई साथ दिने छु नि

कसम तिमीसंग नै बस्नलाई
बाल्नेछु सधैं चोखो प्रेमको धुनी

सुखदुःखमा तिम्रो लागि मै हुँ नि
जन्मनेछु तिम्रो लागि जुनिजुनी ।
***     ***     ***

      "बक्रदृष्टि"

मोदि आए नेपाल मेरो देश
नेताले गर्व गरे परिवेश

नाकाबन्दी मनपरि छ तिम्रो
बहाना मात्र हो बन्द मधेस

मिलौ कमजोर छैन यो देश
परनिर्भरता छाडौ त्यो बेस।
***    ***     ***

        "कुनिती"

मेरो देशको अनौठो राजनीति
फरक मतमा गोलि हान्ने रीति

हुईप जारी गर्ने कस्तो हो खेल
संविधानसभामा किन बेथिति

अल्पसंख्यक हेप्ने हो राजनीति
त्यसैले कुरा सुन्दैन सितिमिति।
- बिर्तामोड,झापा।
~~~~~~~~~~