मौलश्री लिम्बु

  मौलश्री लिम्बु जीका केस्राहरु 

- मौलश्री लिम्बु
झापा,हाल-मलेसिया 

   "नतिजा"

तिम्रो हाउभाउमा भुतुक्कै पर्दा
यो मनको बीज त्यो मनमा छर्दा

म बबुरोको होश उडेर गयो
तिम्ले कालीको रुप धारण गर्दा

ढीट मनको मनमानीमा पर्दा
भोग्दैछु आकाशबाट तारा झर्दा।

१९-१२-२०१३ 

“बदनीयत” 



फूलको जवाफ पत्थरले दियौ
बासना छोडी वासना मागी लियौ

पराग सेचन गर्नमा सिपालु
लाग्दैछ बदमाश भमरा थियौ

छुएर मलाई ओईलाई दियौ
स्वार्थको झोली भरेपछि फर्कियौ
१२-१०-२०१३

 “बेईमान” 

औला दिंदा हात माग्यौ
पाए पछि कता भाग्यौ

मौकामा हिरा फोरेर
ईमान ईज्जत त्याग्यौ

भरोसा दिलाएर माग्यौ
सम्बन्धमा चिसो छायौ
१०-१०-२०१३

  “चालबाज“ 

चतुर स्याल आ’को छ है गाउँमा
घर-दैलो पुगेर ढोक्छ पाउमा

यो गाउँको रेखदेख गर्छु भन्दै
हू हू गर्छ दाना पाउने दाउमा

लुरे भएर पसेको छ गाउँमा
दाना पाए जान्छ माथिल्लो ठाउँमा

 ३०-०९-२०१३

[पुराना केस्राहरु अध्ययन गर्नका लागि यहाँ क्लिक गर्नुहोस् ]