दिलिप 'सगर' राई

      दिलिप 'सगर' राई जीका केस्राहरु

केस्रा प्रवक्ता:- दिलिप 'सगर' राई
मोरंग 

 "लाहुरे" 

सानु रेलमा चढेर
बिदा भो अघि बढेर

आउला भन्थ्यो लाहुरे
दु:खको पाठ पढेर

ऋणको गाडी चढेर
गयो मनमा गढेर।
०४-०४-२०६९

  "नारी" 



सृष्टि कि फूल नारी
धर्तीमा स्वर्ग झारी

दिन्छे हाँसो र खुशी
आत्मा सन्तुष्टि पारी

मायाको मूल नारी
लान्छे समुन्द्र तारी।

"दार्जिलिंग"

खेल्दै भावनाको पिंग
पुगेंथे म दार्जिलिङ्ग

देखेर भएछु अवाक्
उभिएँ चौरास्तामा ठिंग

झुल्दै कल्पनाको पिंग
घुमे पुरै सिटि रिंग।
०२-०३-२०१४

  "होलि"

मिलेर खेलौन होलि 

आजलाई नभनी भोलि 

बहुल कला संस्कृति 

चिनारी हाम्रो रंगोली 

ल आयो रंगिन होलि 

होस् माया प्रेमको बोलि।
०३-१७-२०१४

  "नेपाल"

तराई पहाड हिमाल
नाँच्दछ डाँफे मुनाल

विश्वमा वैभवशाली
स्वर्ग हो मेरो नेपाल

सगर चुम्ने हिमाल
सुन्दर शान्त विशाल।
०९ -०१-२०१४