भरत अधिकारी

         भरत अधिकारी जीका केस्राहरु 

- भरत अधिकारी
मिर्लुङ्-३, तनहुँ,हाल-मलेसिया  

   "धोका"

एक हलको पाखो थियो
राजीनामा साहुले लियो

विदेश जाने चक्करमा
आफन्तले नै धोका दियो

कमाउने सपना थियो
दलालीले रगत पियो।
०५-०८-२०१४


  "अनुरोध"



नदेखाउ जातमा फाटो
एउटै हो हाम्रो यो माटो

तिम्रो स्वार्थ पुरा गरेर
नखोस गरिवको आटो

नचाहिदो देखाई फाटो
नमार अब देशमा लाटो
०६-०८-२०१४


   "शंका"

लगाइ ओठमा लाली
मस्किन्छे सधै नै खाली

रुपकी धनी रहिछे
बोलि चाहिँ अलि जाली

लगाई बसेकी लाली
लामा-लामा नङ पाली ।

   "भरिया"

जानु छ छिटो त्यो डाडा पारी
पसिना पुछ्दै बोकेर भारी

थाप्लामा नाम्लो टुटेन मेरो
जन्मेको रै छु कर्ममा हारी

खानु छ पिठो बसेर पारी
पिएर पानी थकाइ मारी ।

   "गुनासो"

छोरी हिडि पराइ बनि
छोरो विदेश बन्न धनी

एक्लो यो घर कुरि बस्दा
दिक्क लाग्छ मलाई पनि

बसेको छु म दु:खी बनि
छोरो आउने दिन गनि।
०५-०६-२०१४