मौलश्री लिम्बू

       मौलश्री लिम्बू जीका केस्राहरु 


  "घोडा"

केस्रा प्रवर्तक:- मौलश्री लिम्बू
झापा,हाल- मलेसिया 

लगामहरु तोड्न लगायौ 
सराबरको पाठ पढायौ 

थिचोमिचोको खिलाफ भन्दै 
मार हान्नलाई अघि दौडायौ

घोडा न हो ! लगाम लगायौ
अन्तमा, उही तबेला पठायौ। 
०१-०१-२०१५

“झिल्का”



कसैले चाहिं आगो लगाए
कसैले चाहिं पानी वर्षाए

क्रियाले उडेको झिल्कालाई
जातिवादीको बिल्ला भिराए

अब चाहिं अन्दाज लगाए
र त अगेनातिर बोलाए।
३०-१२-२०१४

"मुस्कान"

तिम्रो मुस्कान छ है ज्यानमारा
देखेर मदहोशी हुन्छन् सारा

भगवानले पनि ईर्ष्या गर्दो हो
बनेर सूर्य अनि रातमा तारा

तिमी हुनेछौ मेरो ज्यानमारा
आखिर मुस्कान जो छ हत्यारा।
१८-०९-२०१४