डा. विजय लिङ्देन

  डा. विजय लिङ्देन जीका केस्राहरु

"अवस्था"

दशै तिहार आयो आँसु झर्छ
अझै यहाँ कति सपूत मर्छ ?

संविधान दिई मख्ख नबन
हेराै तिम्रो विवेकले के गर्छ ?

बिहान मिर्मिरेमा तारा झर्छ
अब सद्भावको किरण सर्छ ।
०५/०६/२०७२
****   *****

   "नेता"

दिन लागेछौ संविधानको खाका
खै त दाउरा सुरुवाल र ढाका

सबैको सम्बोधन गर यसमा
कोहि नभनुन तिमीलाई डाका

कस्तो होला नयाँ नेपालको खाका
बज्नु पर्छ यसमा सोरठि भाका।
****    *****

    "किसान"

पसिना झार्छु धर्ती तिम्रै लागि
बिहान हिड्छु बरदान मागी

धेरै जना आश्रित छन् मसंग
भाग्य नजाउ तिमी मदेखि भागी

बर्सेनि तिम्रो उपहारको लागि
मरि मेट्दैछु सारा खुशी त्यागी।
०१/०६/२०७२
****   ****

   "संविधान"

आयो तिम्रो हाम्रो संविधान
सबैले गरौं यसको मान

मुद्दा मिलेको छैन यसमा
मिलाउ नगर तानातान

आशा बिरोधको संविधान
मिलाइ बनाउ हाम्रो शान।
०१/०६/२०७२
****    ****

  "चाहना"

गहिराई कति छ मेरो भावना
तिमीलाई पाउने मेरो चाहना

स्वणिम जीवनको कल्पना गरें
यथार्थ हुने छ है मेरो सपना

अति नै बलियो छ मेरो भावना
दिने छन् है सबैले शुभकामना ।
३१/०५/२०७२
दमक,झापा।