दिलिपको सिम्मा मलेसियामा विमोचन हुँदै
विजय धिमाल
उर्लावारी पौष १०
हामी नेपाली प्राकृतिक, संस्कार, सास्कृतिकले मात्रै धनि छैनौ, हामी साहित्य विधा प्रति पनि उतिकै धनि छौ । साहित्य भित्र पर्ने कथा, कविता, गजल, मुत्तक, गीत, हाइकु जस्ता अनेकौँ हरेक साहित्यिक रचनाहरु लयबद्धध पढ्दा र सुन्दा अति आनन्द महसुस पक्कै हुनेगर्दछ र हुनु स्वाभाविक हो ।
भन्छन् यस्ता लेख्ले व्यक्तिहरु वा साहित्यकारहरु धुम्रपान गर्ने, मध्यपान गर्ने, दुःख, दर्द, र प्रेमबाट धोका खाएकाहरुले लेख्ने गर्दछ । वास्तविक कुरा केहो ? साहित्यकारहरुलाई सोध्दा र उनिहरुसंग बुझ्दा त्यस्तो नभएको बताउछन । साहित्य विधा जो कोहिले पनि अंगाल्न सक्छन तर यस्को पनि नियम छ । साहित्यको नियम अंगालेर कलम चलाए जो कोहि पनि साहित्यकार बन्न सक्छ । साहित्यले यति सम्मकी मानवको अन्तरवेदना प्रत्यक्ष तथा अप्रत्यक्ष रुपमा छर्लङ प्रस्तुत गरिहेको हुन्छ । यतिमात्र कहाँहोर प्रकृति, राजनिति, सामाजिक, जाति, भाषा, संस्कार, संस्कृति, विकृति, विसंगति, बैदेशिक रोजगार, माया प्रिति, समसामयिक लगायत अनेकौँ कुराहरुमा मानव प्रति सुचना, संन्देश, मनोरञ्जन, होसियारी, खबरदारी जस्ता कुराहरु दिइरहेको हुन्छ । दिलिप द्वारा रचित र लिखित पुस्तक साहित्य पे्रमिहरु प्रति केस्रा संग्रह
“सिम्मा” नामक पुस्तक प्रकाशनमा ल्याएका छन ।
त्यस्तै बुवा धनबाहादुर आमा विष्णुमाय राई (चाम्लिङ) का छोरो दिलिप राई सगर साहित्य भित्र नयाँ विधा केस्रामा लागिपरेका छन् । उनि यस विधाका प्रवक्ता समेत हुन । उनको जन्म भोजपुरको लेखर्क ३ वैराङ भएता पनि हाल स्थाई रुपमा मोरङको उर्लावारी ४ मा बसोवास रहेको छ । मध्यम परिवारका उनि जिवन यापनको क्रममा वैदेशिक रोजगारमा रहेर पनि फुर्सदको साँघुरो समयको सदुपयोग गरेर नेपाली साहित्य प्रति कलम निरन्तर चलाएको पाइन्छ । उनिले स्वदेश तथा विदेश गरी जम्मा ९ वटा विविध संघसस्थामा रहेर काम गरिसकेका छन । त्यसतै स्वदेश तथा विदेश गरी जम्मा १० ठाउँबाट पुरस्कृत, ४ प्रसंशित, ११ सम्मान हत्याई सकेका छन । हाल सम्म ३ वटा पुस्तक सम्पादन समेत गरिसकेका छन । त्यस्तै हाल केस्रा लेखन मञ्च प्रवर्तक प्रवक्ता, तप्काना लेखन संसारका सल्लाहकार, यात्रा साहित्य लेखन अभियान्ता प्रमुखमा संलग्न रहेका छन । केस्रा विधा नेपाल र नेपालीका लागि नँया वा नलौ विधा हो । यस विधा भिन्न विशेषताहरुको समन्वय निकै जटिल विषय हो । हाल केस्रा विधा विकासकै चरणमा रहेको अवस्था छ ।
उनिद्वारा रचित त्यहि
मायालु ठूलि गिती संग्रह २०५७, सिर्जनाका स्वरहरु संयुक्त गजल संग्रह २०११,
नियति लघुकथा २०६९,
केस्राको घोषणा तथा दस्तावेज २०१३ र
मियो स्तूप संयुक्त लघुकथा जस्ता सहित्य प्रेमीहरुका लागि र साहित्य क्षेत्रलाई प्रकाशन गरी साहित्य प्रति गहिरो साहित्यप्रेम झल्काएको पाइन्छ । त्यस्तै अझै आगामी दिनहरुमा ४ वटा विधाका साहित्यिक पुस्तक प्रकाशन गर्ने समेत तयारीमा छन । हाल प्रकाशित
“सिम्मा” नामक केस्रा संग्रह पुस्तक
२०१५ जनवरी १ मा मलेसियाको क्वालालम्पुर स्थित
"केस्रा विधाको तेश्रो वार्षिकत्सव" का दिन
केस्रा लेखन मञ्च एवम नेपाली केस्रा मञ्च मलेसियाले दिलिपको
“सिम्मा” केस्रा संग्रह विमोचन हुने भएको छ ।
सिम्मा नामक केस्रा पुस्तक राई भाषा बाट साभार गरिएको हो जस्को अर्थ
प्रीय छोरी, बहिनी, स्त्री जाति भन्ने बुझउछ । यस केस्रा संग्रहमा नारीलाई उच्च स्थानमा राखिएको प्रष्टिन्छ । आर्को मायाप्रीति, साँस्कृतिक, समसामयिक राजनीति, वैदेशिक रोजगारी, सामाजिक प्रचलन र विकृति लागायतका अनेक विषय सँग सम्बन्धित यस
सिम्मामा प्रस्तुत भएको पाइन्छ ।
राजघाट, मोरङ
[ १० पौष २०१४ राष्ट्रिय समाचारपत्र दैनिक ,उर्लाबारी,मोरंग ]
