राज आङ्देम्बे "सहयात्री"

राज आङ्देम्बे "सहयात्री" जीका केस्राहरु 

- राज आङ्देम्बे "सहयात्री"
पाँचथर ,हाल-मलेसिया 

"खुशी"

जब तिमी मेरो जिन्दगीमा आयौ
अनि खुशीयालीको दीप जलायौ

जून विनाको रात जस्तै थिएँ म

बिहानीको झुल्के घाम झैँ उदायौ

सफल सहयात्री बनेर आयौ
संसारै मेरो झलमल बनायौ ।
११-०४-२०१३

"पत्रकार"

पाएँ भन्दै समाचार
लेखि दिन्छ वारपार

व्यावसाय न हो उस्को
यताको उता साभार

खोजे जस्तो समाचार

आधुनिक पत्रकार।

३१-०३-२०१३

"परिवर्तन"

नपाएँ तिमीमा आफ्नोपन
न ईमान  न सत्य वचन

धर्म कर्मलाई लत्याएर

भयौ एक्कासी परिवर्तन

तिमीले भुल्यौ नेपालीपन
पाएर त्यो अपुताली धन।
३०-०३-२०१३

"अठोट"

नझार्नु आँशु व्यर्थै हे आमा
सुहाएन आँशु त्यो आँखामा

रोप्ने छु फूल माली बनेर
यो हाम्रो घरको बगैँचामा

फूलेर त्यो फूलले हे आमा
मुस्कुराउँने छ पहरामा ।
२०-०३-२०१३

"बयान"

तिमी कत्ती सुशिल छौ है झरना
लजालु मुस्कान पवित्र गहना

दुःख र सुखमा फाल हान्दै बग्छौ
उस्तै चोखो अनि निश्चल भावना

तिम्रो त्यो रुप देखेर ए! झरना
पुरा भयो है मेरो मनकामना।
१८-०३-२०१३