चतुरमान राई

       चतुरमान राई जीका केस्राहरु 

    " देश "

- चतुरमान राई
ओखलढुंगा,हाल- क्वालालम्पुर,मलेसिया 

आस्थाको पर्खाल यहाँ ढल्दैछ
मानवीयता कंकाल जल्दैछ

सबै आफ्नै स्वार्थको लागि मात्र
भित्र-भित्रै शीतयुद्द चल्दैछ

देश धर्मको नाममा ढल्दैछ
जुंरेको पहिरोसंगै गल्दैछ ।
२१-०८-२०१४

   " नेता "

हाम्रो काँधमाथि टेकेर गयो
तब देशको ठुलो नेता भयो



हिजोसम्म ढुंगा,मुढा गर्दथ्यो
फर्केर आउने छैन अव यो

सुकुम्वासी कुबेर बन्न गयो
हामो दु:ख चाहिँ उस्तै नै रह्यो।
०२-०८-२०१४

  " भाग्य" 

खुशी हुने सपनाहरु देखेर
दिनदिनै रहरहरु मेटेर

यसरि नै बित्दोरहेछ जीवन
नियतिले सधै छातीमा टेकेर

अरुको जस्तो भाग्यहरु देखेर
अन्जुली भर्न सकिदैन टिपेर।
०५-०६-२०१४