कृष मगर

कृष मगर जीका प्रारम्भिक चरणमा लेखिएका केस्राहरु 

"प्रस्ताव"

कृष मगर
चितवन,हाल- यु.ए.ई.

रूप राम्री देखेँ,दाईकी सालीमा
मन मिले लैजान्थेँ,यसै पालीमा

ईच्छाहरू मारेर,बसेझैँ लाग्यो
रङ्गाउँछु तिम्रो,सिउँदो खालीमा

लौ माया बस्यो गाढा,उनै सालिमा
पाऊ राखौँ सुटुक्क,जुनको लालीमा।
                                      ०२-११-२०११

"पीडा"

नमेटिने मनको,दाग भएछु
खुशी कहाँ मात्रै म,दीन रहेछु

भाग्य पनि म देखि,तर्किएछ टाढा
आँधी होईन बज्र,पातै सहेछु

बिरानो यो शहरमा, एक्लो भएछु
सुस्त सुस्त पागल,बन्दै गएछु ।
                     १९-१०-२०११

"तारिफ"

रुप देखि छक्क परें
अनि मुस्कानले ढलें

पोखिदैछ यौवन त्यो
अनायासै छुँदा जलें

हो तिम्रो म प्यासी परें
हर स्वास भित्र चलें ।
                  १५-१०-२०११

"परिचय'

झरेको हुँ फूल
सुकेको हुँ मूल

चल्ने मार्ग छैन
चुडेको हुँ पुल

हेलाको हुँ फूल
म तिम्रो हुँ भूल।
                  ११-१०-२०११

"एक्लो"

धेरै चोटी रोएँ
यादहरु धोएँ

मन दुख्यो जव
तिम्रो तस्विर छोएँ

भक्कानिदै रोएँ
विक्षिप्त नै भो'एँ।
                 ०८-१०-२०११