मौलश्री लिम्बू

        मौलश्री लिम्बू जीका केस्राहरु 

   "सहयात्रा" 

अब सम्बन्धको ति जंघार तरौ
दुधको दुध पानीको पानी गरौ

मझधारमा छ सफरको किस्ती
गन्तव्य तोकेर हामी अघि सरौ

छाल मचिए पनि समुन्द्र तरौ
जस्तोसुकै यात्रा होस् खुशीले भरौ l
०६-०४-२०१४

   "चरित्र"



मीठो गफ दिएर लिने
लिएपछि फिर्ता नदिने

हे प्रभु ! मान्छेको नीयत
लेनदेन पछि चिनिने

मन-पेट दिएर लिने
छूमन्त्र गर्दै नदेखिने l
३०-०३-२०१४

   "बबुरो"

अलिक गम्भीर ति हेराई
लाग्छ केहि सोध्दैछ मलाई

बुझ्ने असफल प्रयासमा
बसेकोछु गथासो जमाई

रहस्यमय तिम्रो हेराई
म बुद्धूलाई बुझ्न कठिनाई।
१७-०२-२०१४

"नतमस्तक"

नभन्नु मलाई मूल्यवान् दिएन
आँसुबाहेक उपहार थिएन

तिम्रो बिदाईले नाजुक यो मन
सम्हाल्नको लागि कसैले लिएन

यादले मन अन्त जान दिएन
त्यसैले कसैको हुन सकिएन।
०१-०२-२०१४

   "उपमा'

हर सुन्दरता माथ दिलाउने
जूनलाई पनि ईर्ष्या गराउने

दुनियाँमा दोश्रो कुनै छँदै छैन
तिम्रो मुहारको नूर झुकाउने

चमकको परिभाषा दिलाउने
तिमीमा छ खाँट्टी बिम्ब बुझाउने।
१२-०१-२०१४