 |
| - ऋषिराम लम्साल स्याङ्गजा ,हाल- यु.ए.ई. |
सारा जगतका रचैया रे
अनौठो शेषको छ शैया रे
बृन्दावनका पहाड लता
जनका आत्ममा रमैया रे
उनै नारायण नै रचैया रे
सृष्टि रथका बनी पैया रे।
२८-०१-२०१३
“पिरतीमा”
त्यो आँखामा सपना सजाऊ
मुस्कानको साथमा लजाऊ
ति पाऊहरु सर्केनन् भने
मात्रै मन प्रीतीमा कजाऊ
तस्विर मुटुभित्र सजाऊ
छरेर नाम राग बजाऊ ।
२६-०१-२०१३
“कदाचित”
बगेको खोला
फर्के के होला
मान्छे हतार
बदल्न चोला
सम्झिंदा खोला
हान्दैछ सोला।
२२-०१-२०१३
“मान्छे”
मान्छे मान्छेमा काटाकाट
फेरी वैशैको साटासाट
गर्दैछौ ए साथीहरु हो
आँफै आफैमा फाटाफाट
भाई भाईमा काटाकाट
आफन्तबीचै छाँटाछाँट।
०८-०१-२०१३
“भिखारी”
कता गयौ ए मनकी उदारी
ल आउ छिटै तनकी शिकारी
तिमी बिना खै सजिलो नहोला
यतै सजाऊ पिरती निखारी
बनिदेऊ मेरो लागि उदारी
मलाइ देऊ मुटु नै उघारी।
०२-०१-२०१३
