केशर सुब्बा 'पारदर्शी'

केशर सुब्बा 'पारदर्शी' जीका केस्राहरु 

- केशर सुब्बा 'पारदर्शी'
पाँचथर,हाल-मलेसिया 

"बेसुर "

विना तौल मायाँ दिएँ
बदलामा आँशु पिएँ

पछुतोको भान विना
कोसेलीमा पीडा लिएँ

अनमोल मायाँ दिएँ
फाट्या मुटु मनले सिएँ।
०४-०४-२०१३

"विवशता"



आखिर तिनै मान्छे जोगी
उनै मान्छे जो भयौ रोगी

लेखान्तको नियम होला
देश निखारी भए भोगी

उहि मानव हुँदा जोगी
पेट पाल्न हिड्दैछन् ढोगी।
०४-०४-२०१३

"आत्मा" 

प्यारो लाग्छ सितल जुनको
मीठास लाग्छ कुरा उनको

भित्री दिलको प्रोफाइलमा
भाका बज्यो जो मीठो धुनको

साँच्चै मीठो सितल जुनको

ऋणी भा छु केवल गुनको।
२१-०३-२०१३

"बैंस"

हेरी रह्यौ दाउ
कसी रह्यौ भाउ

जब चिप्ल्यो बैंस
अनि भन्यौ लैजाऊ

पर्खी रह्यौ दाउ
ढोगाउन त्यो पाउ ।  

१३-०३-२०१३

“प्रेम” 

लगायौ क्यारे मोहनी टुना
भरेर बस्यौ मुटुको कुना

एकै छिन भुल्न सकिन मैले
छिपिन्दै गयो मायाको मुना

लगायौ साँचै मोहनी टुना
कसायौ भित्रि मायाको तुना ।
०७-०३-२०१३

[दृष्टान्त:- केशर सुब्बा जीका केस्राहरुको पछिल्लो अंक अध्ययन गर्नका लागि यहाँ क्लिक गर्नु होस् ]