भक्ति प्रसाद पौड्याल

    भक्ति प्रसाद पौड्याल जीका केस्राहरु 

भक्ति प्रसाद पौड्याल
मोरंग ,नेपाल 

'प्रकृति-प्रेम'

घामको लाली सल्किँन्छ
पातको शीत टल्किन्छ

मोतीको दाना जस्तो छ
सानीको आँखा पल्किन्छ

जब यो बानी सल्किन्छ
प्रकृति प्रेम झल्किन्छ ।
०१-०९-२०१३

'सन्तुष्टि'



थाकेपछि ढुङ्गामा नि निद्रा पर्छ
भोकाएसी गुन्द्रुकैले मन हर्छ

फुर्सदमा निराशा र कुरा धेरै
भोक निद्रा टाढा-टाढा हुने गर्छ

जिन्दगी यो जिउन नि जान्नुपर्छ
मिहिनेती मान्छेले नै झोला भर्छ।
२८-०६-२०१३

'भ्रातृत्व'

छोड्नुपर्छ जयपराजय
बल्ल जान्छ मुटुबाट भय

अजम्मरी कोही छैन यहाँ
हार-जीत किन गर्ने तय

भनौ बरु 'जिन्दगीको जय'
अनि होला आयु बीसासय।
२६-०६-२०१३

“ स्वार्थी रुझान”

फक्रन्छ रूप र गुलाब जहाँ
भमरा मोहनी लाउँछ त्यहाँ

पुजाको बहाना फूलको बली
पुजारी देखिन्छ सन्तुष्ट वहाँ

मालीको पसिना बहन्छ जहाँ
बढ्दछ चाहना रोकिन्छ कहाँ।
२०-०६-२०१३
[दृष्टान्त:- भक्ति प्रसाद पौड्याल जीका प्रकाशित पछिल्लो केस्राहरु अध्ययन गर्नका लागि यहाँ क्लिक गर्नुहोस् ]