साथी समिर

           साथी समिर जीका केस्राहरु
 

 

- साथी समिर
झापा,हाल- यु.ए.ई.

"आग्रह"

पैसाको पछि हुरुक्क नहुनु
हार्दैमा बाजी तड्पेर नरुनु

ईमान तिम्रो नबेच्नु कहिल्यै
पराई पाऊ झुकेर नछुनु

गन्तव्य भेट्न आलस्य नहुनु
साहस तिम्रो आशुँले नधुनु ।

"चेतना"

यो भेदभाव आऊ हटाऊँ
सामंती सब डाँडा कटाऊँ

निमुखा माथि अन्याय गर्ने

ती शोसक लाई धुलो चटाऊँ

त्यो दिलको मैलो आजै हटाऊँ
एकता भाव सबैमा रटाऊँ ।
                                          २९-०८-२०१२

"दुखेको यथार्थ"

मानिसको बिग्रदैछ नीयत
पुग्ला कहाँ यसरी यो जगत

कमजोर कोहि छैन सायद
लाछीले'पो देखाऊँछ ताकत

मानव झै हुनु पर्छ नीयत
गुम्नु हुन्न बचेको त्यो ईज्जत।
                                       २०-०८-२०१२

“आर्तनाद”

मन टुटेर छुट्दैछ चित्कार
किन अचेल हुदैछु दोधार

जित्ने रहर थियो नी अवस्य
हार खाएर माग्दैछु गुहार

नसुन्दा कसैले मेरो चित्कार
हुँदैछु सन्सार बाट फरार ।
                                       २०-०८-२०१२

“सहिदको चित्कार”

हाँसेर हेर्छौ देश जलेको
बर्षौ'भो यसरी'नै चलेको

नीयत कि नीयती बुझिन
सायद दैवले नै छलेको

सहन सक्छु आत्मा जलेको
सक्दिन हेर्न झण्डा बलेको।
                                          १५-०८-२०१२