कृष्ण लिम्बू

     कृष्ण लिम्बू जीका केस्राहरु 

- कृष्ण लिम्बू
पाँचथर,हाल-मलेसिया 

   "बिहानी"

शीतको थोपा बिलाउदैँ

फूलहरु खिलखिलाउदै

फर्की आयो फेरि बिहानी
सुन्दर दृश्य दिलाउदैँ

अधेरी रात बिलाउदैँ
आयो उजेली मिलाउदैँ।
०६-०३-२०१४

      "भरिया"

हासिलो मुहार पिठ्यूमा भारी
बिसाउछ त्यो शितल चौतारी

परिश्रम गरेर खुशी हुन्छ
सम्झेर स्वर्गको त्यो फूलबारी

भरीलो आशमा लिएर भारी
गन्तब्य ताक्छ सधैं वारी-पारी।
२२-०२-२०१४

     "मृत्यु"

चुनेर त्यो हीराको हार
गए नि सात कोशी पार

मृत्यु भन्दा टाढा गई नि
चढेर त्यो लाखौँको कार

ओडेर त्यो हीराको हार
बन्दैन त्यो मृत्युको बार।
२०-०२-२०१४

   "अनुरोध"

अमूल्य छ जीवन हेर
व्यर्थै नफाल यसै खेर

अरू नसके पनि गर्न
देशमा काँडे तार बेर

सुन्दर छ जीवन हेर
छरि सौन्दर्य देश फेर।
१९-०२-२०१४

“प्रतिक्षा” 

बाटो हेर्दै होलिन आमा
दियो बालेर अगेनामा

औंला भाँचेर दिन गन्दै
मेलापात बन पाखामा

कोल्टे फेरेर मेरी आमा
आतुरी हुन्छिन् प्रतिक्षामा ।
१८-०२-२०१४