देशु सुब्बा

        देशु सुब्बा जीका केस्राहरु 

- देशु सुब्बा
पाँचथर,हाल- साउदी अरब 

"प्रवासी"

अहिले बनेको छु म त प्रवासी
काम चांहि पर्यो है मेरो खलासी

कामप्रति ईमान्दारी भै दिनाले
आज मालिकबाटै पाएँ स्याबासी

कर्मथलोको अर्को नाम प्रवासी
जिन्दगी बिताउंदै छु हासी-हासी।
०४-०८-२०१३

   "फूल"



फक्रन्दै छु अब झरीमा म फूल
चुम्दछ्न् भमरा आई एक हुल

नफक्रन्दै चुढाउने गर्छन् यहाँ
विना दया-धर्मसितको यो भूल

भएँ म बगैंचाको सुन्दर फूल
फुलेर बचाउनु छ आफ्नो कुल।

"बिहानीको लालि"

रातका प्रहरहरु काट्दै आयौ
शीशीरमा शीतबिन्दु टल्पलायौ

हिमाली भेगका टाकुरा छिचोल्दै
आंगनीभरि प्रकाशपुञ्ज ल्यायौ

चराचरमाथि न्यानो बोकि आयौ
अन्धकार चिरेर उज्यालो छायौ।
३१-०७-२०१३

“न्यास्रो” 

रित्तियो अब आशा
छाउँदै छ निरासा

दुखिया म बबुरो
बनेर आज तमासा

टुट्यो सम्पुर्ण आशा
जिन्दगी नै भो पासा।
२३-०७-२०१३

"झरी"

असारमा रमाउँछ्यौ बर्खे झरी
ढुङ्गा-माटो बर्साउँछ्यौ घरिघरी

आदर्शका डिलहरु तोडी सवै
औकात चै देखाउँछ्यौ थरिथरी

निमेष मै हराउने भए झरी
किन आउनु अत्याई यस्तोगरी।
१५-०७-२०१३