केही केस्राहरु-२ (२०७२)

इन्द्र नारथुङ्गे,उमा वत्स र केशव न्यौपाने जीका केस्राहरु

"स्मृति"

एकोहोरो परिरहेछ पानी
भिजाउने पो हो कि यो जवानी ?

मन चञ्चल चञ्चल बनेर
लान खोज्दैछ रे बाहिर तानी

स्मृती बल्झाउँदै पर्दैछ पानी
अहा ! असारे झरीको कहानी ।
---   ---
      "औकात"

देखियो यहाँ सबैको औकात
छाएपछि यो सुनसान  रात

अँध्यारो कोठा भित्र पसेपछि
फेरिन्दा रहेछन् पुराना बात

जान्नलाई त्यो असली औकात
भोग्नै पर्दोरहेछ यी आघात ।
- इन्द्र नारथुङे
खोटाङ,हाल-मलेसिया ।
***   ***    ***

         "दशै"

दशैंको आगमन भयो गाउँमा
पठाउला टीका सबैको नाउँमा

पाउँदा घरको टीका र जमरा
हुनेछ मलम दु:खेको घाउमा

हजुरहरु कै याद छ गाउँमा
चर्चा चल्ने गर्छ प्रत्येक ठाँउमा।
- उमा वत्स
***    ***     ****

        "जमर्को"

कोहि छ भने तिम्रो मनमा अर्को ।
बताइ देउ नमानिकन झर्को।

ख्याल ठट्टा हैन मेरो माया हेर,
लिएर आउनेछु जन्ती को लर्को।

म भन्दा माया दिने मिल्दैन अर्को।
भर्नेछु शीरमा सिन्दुरको धर्को ।
- केशव न्यौपाने
दमक १९ झापा,हाल मलेसिया ।