कृष मगर

कृष मगर जीका केस्राहरु

         
           "अभागी"

दुनियाँ नै यस्तै रैछ,घात दिने
उन्ले जस्तै मायाँ मैले,पनि किने

भौँतारिन्थेँ यो मायाको,अर्थ खोज्दै
चोखो प्रेम बल्ल आज,मैले चिने

स्वार्थी रैछौ तिमी दु:ख,हरू दिने
म नै मात्र रैछु केवल्,आँशु लिने ।
            23-01-012
       [प्रारम्भिक उत्तरार्द्ध चरणमा लेखिएको केस्रा ]

           
            "पीडा"

आउंछु भनि मलाई  किन ढाँटेको

त्यसैले मेरो  यो मन नि फाटेको

नबल्झाउ भरि सके पीडाहरु

आफ्नो मुटु किन हो अन्त साटेको

थाहा भयो परिवेशले ढाँटेको

पाँसो बनि समयले कस्न आँटेको ।
                   06-01-012
             [प्रारम्भिक उत्तरार्द्ध चरणमा लेखिएको केस्रा ]

      "इच्छा"

लाइदेउ माला उनेर

त्यो तिम्रै दिलमा थुनेर

कति पाल्छौ जोवन अझै

मन भरि इच्छा गुनेर

नराखन खुशी उनेर

दुनियाँको कुरा सुनेर ।
              11-12-011
         [प्रारम्भिक चरणमा लेखिएको केस्रा]

     

      "पश्चाताप"

म तिमीसंग पल्किएर

गयो जोवन ढल्किएर

रुन्थें हजुर सधैं सधैं

यी आँशुहरु तल्किएर

हो ताप भित्र पल्किएर

मुटुमा आगो सल्किएर ।
                   04-12-011
          [प्रारम्भिक चरणमा लेखिएको केस्रा]

     

       "क्रन्दन"

 तिम्रै लागि जिएँ

पीडा तिम्रो लिएँ

पानि रै छ आँशु

घुटु घुटु पिएँ

वेदनामा जिएँ 

भित्र भित्रै खिएँ ।
           21-11-011
     [प्रारम्भिक चरणमा लेखिएको केस्रा]

     

          "अनुभव"

खोज्दै जाँदा तिम्लाई, दिलभित्र पाएँ
मनभरी तिम्रै, तस्वीर सजाएँ

अँन्धेरीमा माया, छामि छामी खोजेँ
सधैँ सधैँ म,तिम्रै समीप धाएँ


नबिझाउने तिमी, आँखा भित्रै पाएँ
अनि मैले तिमी,सँगै माया लाएँ ।
                            22-10-011
                 [प्रारम्भिक चरणमा लेखिएको केस्रा] 

       "बियोग"

साथ छुट्दा एक्लो भा'छु
पागल म बन्दै गा'छु

तिमीबाट टाढा भए
म त एक्लाई बाँचि रा'छु


मरेको त्यो आशा भा'छु
सबैतिर धोका खा'छु |

            12-10-011  
      [प्रारम्भिक चरणमा लेखिएको केस्रा]

            
          - चितवन,हाल:- यु.ए.ई.