भक्ति प्र.पौड्याल

   भक्ति प्रसाद पौड्याल जीका केस्राहरु

 

        ‎"प्रणयपीडा"

-भक्ति प्रसाद पौड्याल
मोरंग

पीडा छ छातीमा ओठमा हाँसो
कसरी साँचू म महँगो नासो

उसको बाटोमा बिच्छ्याएँ आँखा
मन भाग्यो जोसँग छैन चासो

उसैलाई सुम्पन साँचेको हाँसो
बन्ने पो हो कि यो गलाको पासो /
                       29-01-012
                 [प्रारम्भिक उत्तरार्द्धमा लेखिएको केस्रा ]
   

 " अवमूल्य"

समयको बाटो छेक्दा

आफ्नै मात्र भाग्य लेख्दा

अरुलाई निर्बल ठानी 

आफ्नो मात्र शक्ति पेल्दा   

बग्छौ होला बाढी छेक्दा

पैतालाले आगो मेट्दा /
                12-01-012
         [प्रारम्भिक उत्तरार्द्धमा लेखिएको केस्रा ]

   "जिउँदो लाश"

घिटीघिटी छ सास

अझै आउने आश

उनकै लागि थामेको

मेरो जिउँदो लाश

कस्तो जिद्धि छ सास

लाग्छ केहि छ खास /
०३-०१-२०१२
             [प्रारम्भिक उत्तरार्द्धमा लेखिएको केस्रा ]

      
   "प्रिती"

झरेको आँशु रोकिन्न
नभरी बह पोखिन्न

उसैको प्रित साँचे थें
जुठो भो मुटु जोडिन्न

सम्झना अझै रोकिन्न
छोपेर मन छोपिन्न
०३-०१-२०१२

        [प्रारम्भिक उत्तरार्द्धमा लेखिएको केस्रा ]

          

    "सेवक"

 

उनैको म सेवा गरेरै बसें

पराधिन जीवन भएरै फसें 

न आफ्नो न सन्तानको निम्ति भो

म सामन्तको दास झैँ नै खसें

विना अर्थ जीवन गुजारी बसें

गरुन के ! अँध्यारो गुफामा पसें /
                    30-12-011
               [ प्रारम्भिक चरणमा लेखिएको केस्रा ]