- See more at: http://kesramanch.blogspot.com/2013/07/Facebook-LikeBox-JQuery-Popup-with-Timer.html#sthash.SXaf43j1.dpuf

विषय सूची

@ साहित्याकाशका लागि प्रतिपादित " केस्रा" विधाको प्रवर्तक:- मौलश्री लिम्बू , प्रवक्तात्रय:- दिलिप 'सगर' राई,जीवन देवान 'गाउँले' र कृष मगर एवम् केस्रा लेखन मञ्च हार्दिक स्वागत गर्दछ।

Tuesday 22 May 2012

आङ्देम्बे राज

आङ्देम्बे राज'सहयात्री' जीका केस्राहरु
   
       
      "मौनता"

आङ्देम्बे राज'सहयात्री'
पाँचथर,हाल-मलेसिया
के सोच्यौ कुन्नी औँला टोकेर
भन्न लागेको कुरा रोकेर

आँखामा तिम्रो छायो मौनता
मनैभरी चाहाना बोकेर

नबोली बस्यौ ओँठ टोकेर
ईशारमा म बोल्थे खोकेर ।

    "परिवर्तन"

फेरीयो तिम्रो अङ्ग
पोतेर लालि रङ्ग

बिचरी हिजो देख्दा
न थियो कुनै ढङ्ग

देखेर तिम्रो अङ्ग
दुनियाँ परे दङ्ग ।

    "कुलि"

कुली न हुँ ठेला ठेल्छु
बोरा सँग कुस्ती खेल्छु

पसिनाको थोपा पुछ्दै
हत्केलाले सुर्य छेल्छु

दासि मन्को दैलो ठेल्छु
नचाहेरै ज्यानै पेल्छु ।

   "के.एल.सी.सी"

के.एल.सी.सी घुम्न जाउँ
छ नि कति राम्रो ठाउँ

मलायको राजधानी
के.एल.भन्छ छोटो नाउँ

सायाङ् सँग भेट्न जाउँ
नासी गोरेङ् किनि खाउँ।
                 २०-०५-२०१२

 "फिर्ता"

तिम्रो नासो
छैन चासो

फिर्ता दिन्छु
भयो पासो

यस्तो नासो
सत्रु हाँसो ।
     १७-०५-२०१२

  "लोभी"

औँशी पुर्णे ऊ न बार्ने
चुट्ने दाउमा गोरु नार्ने

आँखा लोभी मनै पापी
दिनु परे सँधै टार्ने

ऐँचो पैँचो दिन बार्ने
सित्तै भेटे ढुङ्गै दार्ने।
                ०४-०४-२०१२

  "अनुरोध"

हेर जीवन जिएर
उच्च विचार लिएर

एकै जुनी बाँच्नु छ
हुँदैन है पिएर

केहि गरौँ जिएर
त्यसै नजाउँ खिएर।
                ११-०५-२०१२

 "आगमन"

तिमी आयौ फेरी
मुटु दुख्दा खेरी

बाँधि राख्छु अब
अँगालोमा बेरी

जान दिन्न फेरी
तिमी नै हौ मेरी।
            १३-०५-२०१२

  "कप्टी"

नबोली बस्छ
मुल्य उ कस्छ

लागेको बानी
सिँगौरी धस्छ

घोप्टेर बस्छ
मुटु नै डस्छ।
       २९-०२-२०१२

      “दुःख"

हौ ठुले! पसिना धेरै बग्यो
बगेर दुःखः यस्ले न लग्यो

दुःखः को खोपी खेल्दैछु आज
भाग्यले पनि सारै नै ठग्यो

सँघर्षको डुङगा धेरै बग्यो
भेटिएन सुःखः कता डग्यो ?
                       २६-०२-२०१२

   "सुन्दरी"

अप्सरा हौ की परी
साँच्ची नै छौ सुन्दरी

कल्कलाउँदो जोवन
फूलेछ बास्ना छरी

आकाशकी हौ परी
बस्या छौ आँखैभरी।
                 १९-०२-२०१२

 "घायल"

जलेर भए खरानी
पाईन्छ यँहा न पानी

खुनिले लाइन् डढेलो
मन् मेरो मानि नमानी

माथामा घसें खरानी
यस्तै छ मेरो कहानी।
                   १७-०२-२०१२


     "पीडा"

पिरतीले दियो हात
अनि पछि दियो घात

सहनुको सिमा छैन
चोटैचोट्को दियो खात

बेहोशीमा दियो हात
सधै लाग्ने दियो मात।
                         १०-१०-२०११
                   [प्रारम्भिक चरणमा लेखिएको आवृति केस्रा]

[  केस्रा साहित्यानुरागी मित्रहरु तपाईलाई ब्लगमा प्रकाशित प्रत्येक केस्राहरु अध्ययन पछि  कस्तो लाग्यो कृपया तल..[ १)उत्तम २)राम्रो ३)नराम्रो ] बक्समा क्लिक गरि अभिमत दिनु होला

No comments:

Post a Comment