भरत अधिकारी

भरत अधिकारी जीका केस्राहरु

    


भरत अधिकारी

तनहुँ,हाल-मलेसिया



      "याद"

याद आयो तिम्रो अति

दिएँ माया भए जति

सम्झनाले गर्दा मेरो
पोल्छ छाती भत-भति

सम्झी रोएँ आज अति
आँशु पिई  बसौ कति ?

                   १२-०५-२०१२

  "भेद-भाव"





आँगनमा बस भन्छ
आफु निकै ठुलो बन्छ

जात-भात कुरा गरि
कहाँ उस्ले मान्छे गन्छ

म जातमा ठुलो भन्छ
सानो भनि जरो खन्छ।
                 १८-०३-२०१२  

     "नबुझेर"

भाषण सुने तालि ठोकें
जिताएर काँधमा बोकें

नारा जुलुस लगाएर
जनता हिड्ने बाटो रोकें

नबुझी मैले तालि ठोकें
अहिले बुझें जिब्रो टोकें।
                   ०४-०३-२०१२ 

   "नियोजन"

बेला छदै राखे होस
नदेखाउनु त्यो जोश

धेरै भए दु:ख होला
विचार लिनु है ठोस

गरि राख्नु पर्छ होस
कर्मलाई हुन्न दोष।
           २७-०२-२०१२

     "विद्धुत"

बिल बोकी अफिस धायो
बेकार पैसा तिरी आयो

चाहिने बेला अन्धकार

टुकी बालेर खाना खायो

काम छोडी अफिस धायो

बेकार दु:ख मात्र पायो।
                    २३-०२-२०१२

    "मेरो माया"

तिम्रो मायाले मुटुमा बिजायो
रातमा सम्झी सिरानी भिजायो

मेरो माया सुटुक्क चोरेपछि
अनि निर्धक्क मायाजाल फिजायो

अतित सम्झदा मुटु बिजायो

मेरो माया पराइले रिजायो।

                          १७-०२-२०१२

[ केस्रा साहित्यानुरागी मित्रहरु तपाईलाई ब्लगमा प्रकाशित प्रत्येक केस्राहरु अध्ययन पछि  कस्तो लाग्यो कृपया तल.. १) उत्तम २) राम्रो ३) नराम्रो...बक्समा क्लिक गरि अभिमत दिनु होला।]