जे.वि."रुमानी''

जे.वि.राई "रुमानी" जीका केस्राहरु

     "नासो"

यो तिम्रो प्रेमको नासो
भयो दुनियाँको हाँसो

भन कसरी जिउँ म
लट्काई घाँटिमा पासो


जे.वि.राई "रुमानी"

मोरंग,हाल- मलेसिया

छोडेर गयौ  यो नासो

तिमीलाई छैन चासो।

               ०४-०३-२०१२

     "पालो"

मै मात्र कति धाउनु
बेकार दु:ख पाउनु

अब भने तिम्रो पालो
मलाई भेट्न आउनु

कहिलेकाहिं धाउनु
यो ज्यानलाई दाउनु।
                   ०४-०३-२०१२

       "नियत"

नाता केलाउनुको साटो
बन्दैछौ अन्जान र लाटो

तिम्रो चाला ठिक छैन है
नियतमा छ कालो टाटो

यो साइनो गाँस्नुको साटो
तताए भयो अब बाटो।
                       ०४-०३-२०१२
      
       "गुनासो"

रिसायौ कि कसो तिमी मसँग
झर्किदा पो म त भएँ झसँग

खै के गल्ती भयो मबाट त्यस्तो
टाढिन खोज्दैछौ विना प्रसँग

हिरा मोती सुन छैन मसँग
दुविधामा छु आफ्नै मनसँग ।
                     ०४-०३-२०१२

    "राजनिती"

गुट उपगुटको खेल
जालिहरुको जालझेल

राजनिती भन्नु केवल
कहिले जेल अनि नेल

सत्ता,शक्ति,भक्तिको खेल
हुन्न दाजुभाइको मेल।
                 २५-०२-२०१२
    
      "माया"

पैले माया साटासाट
अनि माया चाटाचाट

संसारको रीतै यस्तो
हुन्छ माया फाटफाट

घट्छ माया साटासाट
अनी माया काटाकाट।
                 २५-०२-२०१२

      "कटाक्ष"

बस्थ्यो घर भाडा तिरेर

हिंड्थ्यो थोत्रे झोला भिरेर

सांच्चै सिंह जस्तै भएछौ
सिंह दरबार छिरेर

ढुक्क हौला ॠण तिरेर

गरिब जनता पिरेर। 

              २४-०२-२०१२