तेज 'विवश' राई

   तेज 'विवश' जीका केस्राहरु  

तेज 'विवश' राई    

धनकुटा

   
"आग्रह"

धेरै भो कुर्सिको खेल
आ-आफैमा ठेला ठेल

संविधान बनाउन
हुनु पर्छ अब मेल

छोडीदेऊ यस्तो खेल
नगर भो जाल झेल।
-२३-०२-०१२

“आस्वासन”

राख्दिन म तिम्रो पेट भोको
बनिदिन्छु है बलिको बोको

मान्दिन लाज गरेर खान
बोकेर पनि हँसिया डोको

कसेर पेट म बस्छु भोको
सुखले राख्ने मेरो छ धोको।
-१०-०२-०१२

"साहास"

मेरो साथ छोडे
नँया नाता जोडे

बाँच्न सक्छु म त
यात्रा अन्तै मोडे

एक्लै याहाँ छोडे
बाचा हाम्रो तोडे।
-०७-०२-२०१२

''बिन्ती''

चोखो यो माया मारेर
बसाइँ टाढा सारेर

नजाऊ तिमी ए प्रिया
मलाई एक्लो पारेर

चट्टकै माया मारेर
मनको बार बारेर ।
-१३-०१-२०१२